XALQARO INVESTITSION REYTINGLARNING MILLIY IQTISODIYOTGA TA’SIRI

Abstract

Global iqtisodiyotning integratsiyalashuvi sharoitida xalqaro investitsion reytinglar milliy iqtisodiyotlarning jahon bozoridagi nufuzini, ishonchliligini va investitsion jozibadorligini belgilovchi muhim omil sifatida namoyon bo‘lmoqda. Reyting agentliklari tomonidan e’lon qilinadigan baholar mamlakatlarning moliyaviy barqarorligi, makroiqtisodiy boshqaruv sifati, institutsional muhit darajasi va siyosiy xavf omillarini kompleks tahlil qilish asosida shakllanadi. Shu sababli xalqaro reytinglar nafaqat xorijiy investorlarga yo‘naltirilgan axborot vositasi, balki iqtisodiy siyosatning samaradorligini baholovchi mezon sifatida ham katta ahamiyatga ega.